انگلینڈ کے ہیری بروک تین درجے ترقی کر کے ساتویں نمبر پر پہنچ گئے۔

پاکستان کے مایہ ناز بلے باز بابر اعظم نے آئی سی سی کی تازہ ترین ٹیسٹ بلے باز رینکنگ میں تیسری پوزیشن برقرار رکھی ہے۔

آئی سی سی کی جاری کردہ تازہ ترین رینکنگ کے مطابق نیوزی لینڈ کے کین ولیمسن پہلے اور انگلینڈ کے جو روٹ دوسرے نمبر پر ہیں۔ انگلینڈ کے نوجوان گن ہیری بروک 3 درجے ترقی کے ساتھ 7ویں نمبر پر آگئے اور انگلینڈ کے زیک کرولی بھی 3 درجے بہتری کے ساتھ 13 ویں نمبر پر آگئے۔

ٹیسٹ گیند بازوں میں بھارت کے روی چندرن اشون سرفہرست ہیں۔ جیمز اینڈرسن نے اپنے ٹیسٹ کیرئیر کا اختتام باؤلنگ میں 8ویں پوزیشن پر کیا جب کہ شاہین آفریدی ٹیسٹ بولنگ رینکنگ میں 9ویں نمبر پر ہیں۔ ہندوستان کے رویندرا جدیجا بہترین ٹیسٹ آل راؤنڈر کے طور پر اپنی پوزیشن برقرار رکھے ہوئے ہیں۔